मिति २०७६ जेष्ठ १८ गते शनिबारको दिन प्रजातन्त्रवादी आयुर्वेद चिकित्सक संघको आयोजनामा गोदावरीमा सु-सम्पन भएको बनभोज कार्यक्रममा उपस्थित प्रमुख अतिथि माननीय गगन कुमार थापा ज्यु, विशिष्ट अतिथि माननीय पार्वती डि.सी. चौधरी ज्यु, लगायत सम्पूर्ण प्रजातन्त्रमा आस्थावान प्राध्यापक, आयुर्वेद चिकित्सक, स्वास्थ्यकर्मी तथा सम्पूर्णमा हृदयदेखि नै आभार व्यक्त गर्दछौ l
आगामी दिनमा पनि स्वास्थ्य क्षेत्रमा काम गर्न इच्छुक छु : गगन थापा
काठमाडौं– पूर्व स्वास्थ्यमन्त्री गगनकुमार थापाले आगामी दिनमा पनि आफू स्वास्थ क्षेत्रमा काम गर्न इच्छुक रहेको बताएका छन्। उनले जनता स्वास्थ्य केन्द्रका लागि आफूले कार्य गरिरहेको समेत उल्लेख गरेका छन्।
प्रजातन्त्रवादी आयुर्वेद चिकित्सक संघले शनिबार आयोजना गरेको वनभोज कार्यक्रममा बोल्दै थापाले आफू स्वास्थ्यमन्त्री हुँदा आयुर्वेद स्वास्थ नीति-२०७३, पन्चकर्म केन्द्रको स्थापना, आयुर्वेदमा दरबन्दी थप जस्ता कार्य गरेको स्मरण गराए। उनले भने, 'नेपाली काङ्ग्रेसको सरकारको पालामा आयुर्वेद क्षेत्रको विस्तार तथा विकास गरिएको हो।'
कार्यक्रममा नेपाली काङ्ग्रेसको छाया सरकारकी स्वास्थ्य संयोजक पार्वती डिसी चौधरीले कम्युनिस्ट सरकारले स्वास्थ्य तथा आयुर्वेदलाई उपेक्षा गरेको बताइन्।
